UNTXIAK IKASTOLAN

Gaur goizean untxiak izan ditugu ikastolan. Oso dibertigarria izan da, jaten eman diegu eta beraiekin jolastu ere. Hasieran beldurrez egon dira baina berehala ohitu dira. Azkenean ukitu eta laztandu egin ditugu. Ikastolako haur asko etorri dira bisitatzera, DBH-ko batzuk ere.

HH2-3-4-5 GOSARI OSASUNTSUA

Aurten ere, gosari osasuntsua egin dugu. Mmmmm! zein gozoa zegoen!

HH2 urte BARATZA

Gure lehenengo haziak landatzen hasi gara eta gelan baratza txiki bat sortu dugu.

BAKEAREN ALDEKO JARDUNALDIA

Ostiralean, arratsaldeko lauetan, ohikoa dugun jaialdiarekin Bakeare aldeko jardunaldiari bukaera eman genion. Urtero bezala sari banaketa, irakurketa laburrak, abestiak eta olatua izan genituen.

MARIAREN ASTEA

Maiatzan sartu gara eta urtero bezala ikastolako zaindaria den Maria oroitu nahi dugu. Aste honetan lehen solairuan jarri dugu, bertara gelaka otoitz egitera joaten gara eta nahi duenak loreak ekartzen dizkio. Beste urtetan bezain polita geratuko dela espero dugu.

DBH3: organo emanaldia

Beste urteetan bezala, eta Fernandoren eskutik, organo emanaldia izan dugu.
Tresna hau non egoten den eta zein timbre duen badakigu baina ez dugu bere funtzionamendu konplexuaz gauza askorik ezagutzen.

Lehenik saio teorikoa izan dugu eta, aurkezpen baten laguntzaz, organoaren funtzionamendua ikusi ahal izan dugu.

Bigarren saioan ikastolako elizara joan gara eta bertako organoaren hotsa entzun ahal izan dugu. Lehen saioan ikasitakoarekin beste modu batera entzun ditugu tresna erraldoi honen soinuak.

SOLIDARITZA JAIA

Aurreko larunbatean apirilaren 2an, ikastolan Solidaritza jaialdia ospatu genuen. Bertan ekintza ugari egin ziren helburu batekin. Denon artean Haitin dagoen Cazal herriko ikastetxea berreraiki nahi dugu. Eguna Teok zuzendutako eukaristiarekin hasi genuen.


Eukaristia bukatu eta gero, abesbatzakoek, abestiekin goiza alaitu ziguten



Urratseko begiraleak ez zuten jaia ospatu gabe geratu nahi eta beraiek Haitiren aldeko jaialdi honetan jolas eder batzuk antolatu zituzten.


Hainbeste korri egin eta gero gosetu ginen eta Gurasoen Elkarteko kideek prestatu zuten paella ederra dastatzeko aukera ez genuen galdu


Arratsaldean Urratsekoek eta Procladekoek jolas solidario bat eta tailer batzuk antolatu zituzten


Jolasak bukatu eta gero txokolatada goxoa eta Regee kontzertua. Gorputza mugitzeko aukera paregabea.

Arratsaldea bukatzeko Natalia Padrones-ek bere hitzaldia eskeini zigun. Hilabete bat Haitin egon eta gero bizipen asko dituen kontatzeko, arretaz jarraitu genuen.

Ondoren Parrokiakoekin batera afari solidarioa ospatu genuen eta egun honi bukaera eman genion. Gauerako nekatuak geunden, baina pozik egindako lanari esker Haitin bizi diren haurrak ikastolara joateko aukera izango dutelako.

Jaialdi hau aurrera ateratzeko jende askok parte hartu, bereziki Gurasoen elkartea, Urratseko Begiraleak, Proclade eta ikastolako Fede Hezkuntza saila egindako lana eskertu nahiko genuke.
Baina Inguruko enpresa batzuk ezingo ditu ahaztu eman duten diru laguntza handia izan baita.

Datorren urtean berriro ere bertan iksui nahi ziatuztegu.


Argazki guztiak ikusi nahi badituzu helbide honetara joan:
https://picasaweb.google.com/105479241034837260184/SolidaritzaJaia#